გუნდთან ერთად უფრო სახალისოა
უკვე ყველამ იცის, რომ გუნდთან ერთად სირბილი სახალისოა. Wings for Life World Run-ის ემოციების გაზიარება მხარდამხარ თუ კონტინენტის იქით შესანიშნავი შეგრძნებაა.
შეგიძლია შეუერთდე სხვა აპლიკაციით სირბილის ღონისძიებებს, მაგრამ თუ უკვე შერჩეული გაქვს ლოკაცია და გუნდის კაპიტნობაც შენი მოწოდებაა, თავად შექმენი გუნდი.
დაისახე მიზნად ყველაზე მეტი კმ-ს დაფარვა ან წამოიწყე თანხის შეგროვების კამპანია. ირბინეთ ერთნაირი მაისურებით ან გააკვირვეთ მსოფლიო თქვენი გუნდის სახალისო თემატიკით. Florian Neuschwander’s team, Run with the Flow 1800 მორბენლის შეგროვებას აპირებს, შეძლებ მისი რეკორდის მოხსნას?
როგორ შევქმნა გუნდი
- გახსენი Wings for Life World Run აპი და შედი ანგარიშზე
- ქვედა მენიუში დააჭირე „გუნდები“
- დააჭირე „გუნდის შექმნა“
- დაარქვი გუნდს სახელი — მოიხმე კრეატივი
- დააყენე გუნდის ფანდრაიზინგის მიზანი. შეგიძლია პატარა მიზნიდან დაიწყო და მერე გაზარდო.
- აირჩიე: გუნდი იყოს „პირადი“ თუ „საჯარო“
- შექმნის შემდეგ შედი გუნდის პროფილზე და შეუერთდი, როგორც კაპიტანი
- „რედაქტირება“-ში დაამატე გუნდის ამბავი/აღწერა
- ატვირთე გუნდის ავატარი და ქავერი — შეგიძლია სტანდარტულიც აირჩიო ან შენი დაამატო
- გააზიარე გუნდის გვერდი მეგობრებთან, ოჯახთან და სოცქსელებში
ეს მხოლოდ 10 წუთს წაგართმევს და სამაგიეროდ, შესანიშნავი მოგონებების დასაწყისად იქცევა. შენი გუნდის წევრებს კი გუნდური მესიჯის გაგზავნითაც შეგიძლია დაეკონტაქტო.
გუნდის შენების ხრიკები
ცეცხლი აინთო, თამაში დაიწყო!
შემატე სიხალისე და გამოწვევები გუნდურ გარბენს. მოიფიქრე ან აირჩიე რომელიმე ჩამონათვალიდან:
- ყველაზე მეტი წევრი გუნდში
- გუნდურად გავლილი ყველაზე მეტი კმ.
- ჩაიცვით სასაცილო ტანსაცმელი
- შეაგროვეთ ყველაზე მეტი თანხა ფონდისთვის
- გუნდში გყავდეს წევრები ყველა რეგიონიდან, ქალაქიდან თუ კონტინენტიდან
- გამოიწვიე სხვა გუნდები ან კომპანიის დეპარტამენტები
გამოიყენე სთორები, რილსი და ვიდეოები
სთორები, რილსი და ვიდეოები, ლაივები და სხვა კაპიტნების გამოწვევა- ამ ყველაფერმა შეიძლება უფრო მეტი ადამიანი დააინტერესოს. არ დაგავიწყდეს, შენი გუნდის წევრების დათაგვაც.
გააზიარე გუნდური ფოტო
გააზიარე გუნდური ფოტო, მითაგე ყველა ვინც უკვე არის შენს გუნდში და ვინც გინდა, რომ შენი გუნდის წევრი გახდეს.
გაამხნევე გუნდის წევრები
გამხნევება მნიშვნელოვანია და უფრო მნიშვნელოვანია, რომ შენი გუნდის წევრების აზრი იცოდე. რა სურთ მათ? სხვა გუნდის გამოწვევა ხომ არ უნდათ? მიზნის დასახვა ხომ არ სჭირდებათ, მოტივაციისთვის? თუ ვინმეს მხიარული კოსტიუმის იდეა აქვს? მოუსმინე მათ, ეს მხოლოდ გააერთიანებს შენს გუნდს.
გუნდის პერსონიფიკაცია
ერთნაირი ჩასაცმელი- მაისური, კეპი თუ აქსესუარი უფრო დაგაახლოვებთ გუნდის წევრებთან. შეიძლება სახეც მოიხატოთ. ყველა ამ ხერხით, რბენის სხვა წევრებისგან ისე გამოირჩეოდეთ, რომ გუნდის უცნობმა წევრებმაც კი იპოვონ ერთმანეთი.
