აიღე სტარტი ხელოვნების ნიმუშთან ერთად!

Wings for Life World Run 2023 წელს მე-10-ჯერ გაიმართება. ეს თარიღი განსაკუთრებულ ყურადღებას იმსახურებს. განსხვავებული სასტარტო ნომერს განსაკუთრებული მხატვარი შექმნის. შენ გადაწყვიტე, თუ ვინ იქნება ის Instagram-ზე ხმის მიცემით! არჩევანია ტაკაიუკი მაცუმინეს, ფლოუსოფლაი და იან ვალიგორას შორის.

---

თითქოს მარტო იუბილე არ იყოს საკმარისი მიზეზი აღსანიშნად: მე-10 Wings for Life World Run-ზე, ყველა ფინიშის მანქანის თანხლებით რბენაზე მონაწილეები პირველად ჩაიცმევენ უნიკალური ხელოვნების ნიმუშს! უნიკალურია, რადგან სასტარტო ნომერი შეიქმნება ხელოვანის მიერ, რომელიც ინტენსიურად მუშაობდა იდეაზე რბენის მიღმა.

თუმცა, ამ მხატვრებიდან რომელი აირჩევა, დამოკიდებულია Wings for Life World Run-ის მოტივირებულ ინსტაგრამის საზოგადოებაზე. ყველას შეუძლია ხმის მიცემა 23 თებერვლიდან 2 მარტამდე და მონაწილეობის მიღება გადაწყვეტილებაში, თუ რას ჩაიცმევს ხალხი 2023 წლის 7 მაისს. შენ შეგიძლია აირჩიო სამი საერთაშორისოდ ცნობილი მხატვარის დიზაინიდან ერთ-ერთი. მხატვრები არიან იაპონიიდან, ავსტრიიდან და ბრაზილიიდან - არატაკაიუკი მაცუმინე, ფლუსოფლაი და იან ვალიგორა ძალიან განსხვავებული ნამუშევრებით. მაგრამ პირველ რიგში, მოდი შემოგთავაზოთ რამდენიმე ინფორმაცია ამ შემოქმედებითი სამეულის ცხოვრებისა და მოღვაწეობის შესახებ.

ტაკაიუკი მაცუმინე, 37 წლის, იაპონია

ტაკაიუკი მაცუმინეს ჰქონდა დიდი სპორტული ამბიციები - მანამ, სანამ 16 წლის ასაკში თხილამურებზე ფრისტაილის სრიალის დროს ინციდენტი შეემთხვა. „ხერხემლის დაზიანების გამო მე მხრებს ქვევით მოძრაობა აღარ შემიძლია.“ მანამდე, - იხსენებს 37 წლის იაპონელი მხატვარი, - „სხეულის გამოხატვით ვცხოვრობდი. მაგრამ ასეთი ცხოვრება გაქრა ჩემს ოცნებებთან ერთად, გამოვსულიყავი საერთაშორისო ასპარეზზე მოთხილამურედ.“

შშმ პირებს სურთ განვითარება

დღეს ტაკა, როგორც მას მეგობრები ეძახიან, პატივცემული მხატვარია, რომელიც მონაწილეობს გამოფენებზე ნიუ-იორკში, ტოკიოსა და დუბაიში. მისი თქმით, მისმა ხელოვნებამ „ადამიანების გულები უნდა გააცოცხლოს.“ დღეს ის თავის ტრავმას დიდ საჩუქარად თვლის, „შშმ პირებს ყოველთვის სურთ განვითარება. იმისთვის, რომ განიცადო ახალი შეგრძნებები, გჭირდება უნარი დროდადრო რაღაცეების შესწავლის."

ტაკაიუკი მაცუმინე მუშაობს Wing for Life World Run-ის ელჩად იაპონიაში და რეგულარულად ასპარეზობს თავის ეტლით: „მე მიყვარს ეს ღონისძიება და ვხელმძღვანელობ ჩემს გუნდს. 2022 წელს 18 კილომეტრზე მეტი დავფარე." მან თავის სასტარტო ნომრის დიზაინს "ცხრა ბუმბული და სასწაული" დაარქვა. ”ცხრა ბუმბული წარმოადგენს პირველ ცხრა რბენას. 2023 წლის ღონისძიება იქნება მეათე ბუმბული და შეიცავს გზავნილს, რომ ჩვენ გვინდა სასწაული გავხადოთ შესაძლებელი.“

ფლოუსოფლი, 31 წლის, ავსტრია

ფლოუსოფლაი  სახელია ავსტრიელი მხატვრის, რომელიც თავის ვინაობას ანონიმურად ინახავს: „ჩემთვის პრიორიტეტია ჩემი საქმე. არ მინდა დამკვირვებლის ფანტაზიაზე გავლენა იქონიოს ჩემმა პერსონამ.“ მისი ნამუშევრები „ადამიანური და ინტერპერსონალური ასპექტების შესწავლასა და აღნიშვნას ეხება.“

შეზღუდვები მისასალმებელია

კალმით ან ცარცით ქაღალდზე თუ ციფრულად ტაბლეტზე – დიზაინის უნივერსიტეტის კურსდამთავრებული მიზანმიმართულად უყენებს საკუთარ თავს ფორმალურ საზღვრებს თავისი იდეით, დახატოს სურათები ერთ უწყვეტ ხაზში, სადაც ეს შესაძლებელია, „შეზღუდვები კარგია ხელოვანისთვის. ისინი გეხმარებიან საკუთარი სტილის დახვეწაში.”

თავის პირად ცხოვრებაში, ფლოუსოფლაი არის ათლეტი და რეგულარულად იღებს მონაწილეობას Wings for Life World Run-ში: „მე დავდიოდი ინკლუზიურ საბავშვო ბაღში და ზურგის ტვინის ტრავმის საკითხს ახალგაზრდა ასაკშივე შევხვდი.“ მან ჩაატარა კვლევა თავისი სასტარტო ნომრის დიზაინის შესახებ ეტლით მოსარგებლე მომხმარებლებთან ხანგრძლივი საუბრებით: „დაუზუსტებელი უნდა დარჩეს, არის თუ არა სურათი ერთი ან მეტი ადამიანის. ჩემთვის ეს ეხება იმ ადამიანების ევოლუციას, რომლებიც უბედური შემთხვევის შემდეგა არ ნებდებიან, არამედ აგრძელებენ ცხოვრებას."

იან ვალიგორა, 31 წლის, ბრაზილია

იან ვალიგორა არის ბრაზილიის მეტროპოლიიდან- სან პაულოდან. სწორედ სკეიტბორდის სიყვარულით გახდა ის პანკ მუსიკის გულშემატკივარი მოზარდობისას. „სკეიტბორდსა და პოსტერებზე გამოსახული ნამუშევრები, ისევე როგორც სხვადასხვა ჩანაწერების გარეკანები, მნიშვნელოვანი იყო ჩემი განვითარებისთვის.“

არქიტექტურა და გრაფიტი

ამის შემდეგ, ახლა უკვე 31 წლის ტატუ-არტისტი და დიზაინერი ინტენსიურად სწავლობდა არქიტექტურას: „დავიწყე გეომეტრიულ ფორმებზე ფიქრი, ყურადღება მივაქციე გაქრობის წერტილის პერსპექტივას და სამგანზომილებიანი ხატვა. მაგრამ ჩემი ყველაზე მნიშვნელოვანი სტილისტური მოწყობილობა არის სტენსილი, როგორც გრაფიტის შემსრულებლები იყენებენ.”

Wings for Life World Run-ისთვის მისი სასტარტო ნომრის დიზაინი სამგანზომილებიან ლაბირინთს შეიცავს: „ის სიმბოლურად განასახიერებს სხვადასხვა გზას, რომლებიც შეგვიძლია ავირჩიოთ – და იმ დინებას, რომლითაც ჩვენ ვითვისებთ ჩვენს ცხოვრებას.“ მწვანე, როგორც დომინანტური ფერი, ეძღვნება მისი მეგობრების "Faca na Cadeira-ის" გუნდს, ეტლით მოსარგებლე ათლეტებს. „მათი მეშვეობით გავეცანი Wings for Life-ს და იმ იმედს, რომელსაც ეს ორგანიზაცია ასხივებს. რწმენა, რომ მათ შეუძლიათ გააუმჯობესონ ზურგის ტვინის დაზიანების მქონე ადამიანებისა და მათი ოჯახების ცხოვრება, ძალიან შთამაგონებელია.“

ასე რომ, თუ როგორი იქნება სასტარტო ნომერი 7 მაისს Wings for Life World Run-ზე, ამას საზოგადოება გადაწყვეტს. და ეს ასეთი მარტივია: ხმის მიცემა ონლაინ ჩატარდება Instagram-ზე 2023 წლის 23 თებერვლიდან (11.00 სთ. UTC) 2 მარტამდე (11.00 სთ. UTC). უბრალოდ დაწერე შენი არჩეული მხატვრის სახელი კომენტარებში სამი დიზაინის პოსტის ქვეშ და შენი ხმა დაითვლება. ვინ გაიმარჯვებს? შედეგი ოფიციალურად ინსტაგრამზე 7 მარტს გახდება ცნობილი. მანამდე კი სამივე არტისტს ოფიციალურად ვუსურვებთ წარმატებას!