„თოვლი კონფეტივით ცვიოდა“: დევიდ მზი Wings for Life World Run-ის შესახებ

დევიდ მზი მსოფლიოში უამრავი ადამიანის შთაგონებად იქცა. 2010 წელს, ტანვარჯიშის დროს მან ზურგის ტვინი დაიზიანა. Wings for Life ფონდის მიერ დაფინანსებულ კლინიკურ კვლევებში მონაწილეობის შემდეგ, მან 2019 წლის მსოფლიო რბენაზე 390 მეტრი გაიარა. Wings for Life World Run -ის ამბასადორი და სპორტის მასწავლებელი მსოფლიო რბენაზე გვესაუბრა.

2019 წელს შენ Wings for Life World Run-ში მიიღე მონაწილეობა და ამით ათასობით მონაწილის და ტელემაყურებლის გული მოიგე. რა იყო შენთვის ყველაზე დასამახსოვრებელი?

დ.მ.: შესანიშნავი მოგონებაა! ორი რამ მახსოვს გამორჩეულად: ძალიან გამაოცა და დამატებითი ენერგია მომცა მორბენლების დამოკიდებულებამ: ტაშს მიკრავდნენ და მამხნევებდნენ. სულ ვიღიმოდი, მიხაროდა, რომ რბენის ნაწილი ვიყავი.  მეორე შთამბეჭდავი რამ კი, ჩემი შედეგი იყო: პირველად გავიარე 390 მეტრი, თანაც გარეთ. ჩემი გარბენის დასრულებისას კი, თოვა დაიწყო, თითქოს კომფეტით აღნიშნა ბუნებამ.

რას გააკეთებ, როგორც Wings for Life World Run-ის ოფიციალური ამბასადორი?

დ.მ.: შევხვდები ახალ ადამიანებს ახალ ადგილებში და ყველას მოვუყვები მსოფლიო რბენის შესახებ. მეცნიერება წინ მიიწევს, მაგრამ საბოლოო შედეგამდე დიდი გზაა, ამიტომ, ვიმედოვნებ, რომ ინსპირაციის მიცემა შემიძლია.

სად აპირებ მონაწილეობას 2020 წელს?

დ.მ.: 2020 წელს ზადარში მივიღებ მონაწილეობას. ხორვატიაში მხოლოდ ერთხელ ვარ ნამყოფი, ამიტომ ძალიან ველი იქ დაბრუნებას. ერთ-ერთი კარგი რამ, რაც ამ რბენას აქვს, ისაა, რომ შეგიძლია აირჩიო ნებისმიერი ლოკაცია, სადაც რბენა ფინიშის მანქანის თანხლებით მიმდინარეობს ან აპლიკაციით ირბინო იქ, სადაც გსურს.

შენი აზრით, რითია Wings for Life World Run-ი გამორჩეული?

დ.მ.: ერთიანობა. ღონისძიებაზე უამრავ ადამიანთან ერთად ხარ. მეორე, პირადი გამოწვევა. მომწონს, როცა ვხედავ ადამიანებს რომლებიც განსხვავებულად ცდილობენ საკუთარი თავის გამოცდას ფინიშის მანქანის წინააღმდეგ. მარათონში მონაწილეობას ვერ მივიღებდი, რადგან ჩემი გავლილი მანძილი არ ჩამეთვლებოდა. აქ კი, შენ თავად ირჩევენ შენს ტემპს და საერთო მანძილს.  და ბოლოს, მსოფლიო რბენა მართლა სახალისოა. ყველა კარგ ხასიათზეა. სპორტის მოყვარული ვარ, მაგრამ Wings for Life World Run სხვაა- სპორტული, საქველმოქმედო ღონისძიება, რომელიც ძალიან კარგ მიზანს ემსახურება.

ბოლოს, როგორ გესახება მომავალი?

დ.მ.: პირადად მე ვიმედოვნებ, რომ გარშემო ისევ ბევრი კარგი ადამიანი მეყოლება. მეორე კი, მოდით სამყარო, სულ ცოტათი მაინც, შევცვალოთ უკეთესობისკენ. ჩვენი, ყველას ჩართულობა მნიშვნელოვანია.

თითოეული ადამიანი, ვინც Wings for Life World Run-ში მონაწილეობს, სასიკეთო ცვლილებას უწყობს ხელს. მონაწილეობის საფასური და შემოწირულობები სრულად ირიცხება ფონდში, ზურგის ტვინის დაზიანების განსაკურნებლად. დარეგისტრირდი დღესვე!