Wings for Life World Run-ის მორბენლების რეკორდები

3 მაისს ვირტუალურ ფინიშის მანქანას დიდი საქმე ჰქონდა: მას 77 103 მორბენლის გავლილი მანძილი უნდა აღერიცხა. მორბენლები ინდივიდუალურად დარბოდნენ მსოფლიოს უამრავ ლოკაციაზე.

მორბენლებმა 924 960კმ დაფარეს, რაც ნიშნავს, რომ მათ დედამიწას 23-ჯერ შემოურბინეს. რბენა დასრულდა 4:12 (UTC) საათზე, როცა მაიკლ ტეილორს 69.9კმ-ზე წამოეწია ვირტუალური ფინიშის მანქანა.

ვირტუალური ფინიშის მანქანის მუდმივი კონტაქტი მორბენლებთან დამატებითი სტიმული  აღმოჩნდა.

გულშემატკივრების, გამაგრილებელი ზონებისა და რბენის შემდგომი წვეულების გარეშეც, 27582 მორბენალმა 15კმ ირბინა. 12342 მონაწილემ ნახევარმარათონი ირბინა და 291 - კი, მარათონი.

Wings for Life World Run-ის ვეტერანები- არონ ანდერსონი, დომინიკა სტელმახი, ფლორიან ნოიშვანდერი ისევ მონაწილეობდნენ რბენაში. გარდა იმისა, რომ პირადი რეკორდი გააუმჯობესეს, რბენის დასასრულს დიდი აღფრთოვანებით შეხვდნენ.

გლობალური ჩემპიონის ტიტულები  მოიპოვეს მაიკლ ტეილორმა (69.9 კმ), რომელიც ინგლისში დარბოდა და ნინა ზარინამ (54.2კმ), რომელიც შტატებში იმყოფებოდა.

ნინა ზარინასთვის მეორე გლობალური ტიტული იყო. შორ მანძილზე მორბენალი ტეილორი კი პირველად მონაწილეობდა მსოფლიო რბენაში. ის ემოციურად შეხვდა გამარჯვების მილოცვას მისი კუმირისგან, კოლინ ჯექსონისგან.

გაგვიზიარე შენი შედეგი და ჩვენ მას  ჩვენს Facebook-ზე, Twitter-ზე ან Instagram-ზე გავაზიარებთ.